Cubanonan Andres y Tite Leyva-Hechevarría a yega Aruba pa conoce nan famia

Ayera tardi na aeropuerto tabata tin un momento yena cu emocion di felicidad. Manera nos a indica den nos edicion anterior, dos yiu di Bernardo Leyva – e Arubiano cu a bay traha na Cuba y nunca por a regresa -, a yega Aruba.

E dos yiu Andres y Tite Leyva-Hechevarría a yega pa prome biaha na Aruba. Nan tabata feliz di mira algun di e famia cu ya caba nan conoce, pero nan tabata yena cu emocion di alegria pa conoce esunnan cu nan no conoce.

Esunnan cu tabata presente tabata asina entusiasma pa mira nan, cu tabata tin algun cu no por a wanta nan lagrimanan. 70 aña Bernardino a biba na Cuba, y durante esaki hopi di e famia aki na Aruba no a conoce su generacionnan. Sra. Carmen a haya e oportunidad aki pa conoce su dos primo. Sra. Carmen ta kebrante di salud pero el a haci un esfuerso pa bay aeropuerto pa conoce nan. E no por a wanta su lagrimanan y tabata yora di alegria.

E rumannan Leyva-Hechevarría ta spera cu durante nan estadia, nan cera conoci cu hopi di nan famia p’asina ora nan bay Cuba bek, nan lo tin diferente recuerdo di nan estadia aki na Aruba.

Den pasado hopi Arubiano a bay Cuba pa trabou. Tin cu a fayece durante e biahe riba lama sea a fayece na Cuba y nunca por a regresa bek na nan madre patria.