Fundacion Parke Nacional Arikok, FPNA a keda sorprendi cu e anuncio di Minister Chris Romero di Transporte y Agricultura, cu piscadonan por drenta normal den Parke Nacional Arikok y pisca. Ningun momento a yega na tal acuerdo.
Minister Romero a bisa Dialuna cu FPNA a bay de acuerdo pa piscadonan haci uzo di e bocanan y barancanan den e parke pa pisca. Maneho di FPNA a bisa cu nan ta den combersacion berdad cu Gobierno, pero cu no a bay de acuerdo pa piscadonan drenta sin mas. A hasta papia di un pas special, pero tur esey mester keda detaya ainda.
Mas ainda, e Minister a papia di piscanan cu awor mag pisca. Ta trata di piscanan, entre otro e Gutu y otro pisca protegi y cu ta den peliger di extincion. E piscanan aki ta protegi pa ley y ta cay tambe bou proteccion di tratadonan. Bon Dia Aruba lo amplia riba e informe aki den nos siguiente edicion.
