Union Europeo desde awe diaranson lo habri nan frontera exterior pa 14 pais considera como “sigur”. Entre nan ta Uruguay, e unico di Latino America, cu tabata cera desde luna di maart pa e crisis di coronavirus.
E estadonan miembro a apoya den mayoria diamars ultimo e lista inicial, cu lo sigui check cada dos siman den e funcion di evolucion di e pandemia. No ta parce ni Merca, ni Brasil ni Rusia.
Den e lista di paisnan “sigur”, di cual residentenan lo por biaha pa UE, ta Australia, Argelia, Canada, Sur Korea, Georgia, Hapon, Maroco, Montenegro, New Zealand, Ruanda, Serbia, Tailandia, Túnez y Uruguay.
Tambe lo inclui China den e lista, si permiti pa ciudadanonan Europeo drenta su teritorio.
Loke a wordo palabra ta un “recomendacion” cu ta anima e Estadonan di UE pa lanta e restriccionnan, pero e residentenan di e 15 pais di e lista no tin e entrada garantisa, ya cu cada Estado miembro ta competente den materia di frontera y lo por dicidi si ta mantene e acuerdo.
E lista di paisnan a wordo aproba pa e mayoria, kiermen cu apoyo di por lo menos 55% di e paisnan cu a representa por lo menos 65% di e poblacion.
E criterionan pa determina e otro paisnan pa cual mester elimina restriccion di biahe ta tene cuenta cu e situacion epidemiologico y e medidanan di contencion, incluyendo distancia fisico y consideracionnan economico y social.
Cada pais lo mester conta cu un situacion “igual of menor” cu esun di UE pa loke ta trata casonan di Covid-19 pa cada 100.000 habitante den ultimo 14 dia y un tendencia di infeccion stabiel of abao, tambe tumando den consideracion e dos siman prome.
