Ultimo temponan negoshinan riba L.G Smith Blvd otro banda di caminda di APA ta birando victima di ladronicia pero debi na scuridad nan ta sconde bon cu autoridad no ta garanan. Pero diadomingo marduga polisnan a actua rapidamente y canta bingo. Tanto patruya di Playa y tambe polisnan motoriza a drenta accion ora a keda informa cu alarma a activa na un luga di tobaco a logra haya un material usa pa horta den e luga, y un persona a mira dos homber sali na careda bay. Polisnan a start un buskeda grandi den e area y topa cu dos homber scondi tras di un container. Tabata e dos hombernna mes nan tabata cansa y soda y aki a detene ambos hiba warda di Polis.
