Mayoria di proveedor di servicio di internet ta ofrece nan propio hardware di router y modem ora bo registra pa un plan di internet, pero ta un conseho hopi comun den tecnologia cu ta miho pa bo cumpra bo propio aparato.

Pa cuminsa, haciendo esey lo permiti bo pa no paga un suma di huur ekipo. Es mas, cumpra bo propio router lo permiti bo upgrade pa algo mas lihe y facil di usa, of un upgrade significativo manera mesh of Wi-Fi 6 den bo cas.

Awo e argumento aki ta ricibiendo sosten di e American Customer Satisfaction Index, cu ta encuesta alrededor di 180mil consumidor cada aña tocante e producto y servicionan cu nan ta usa a traves di decenas di industria y centenares di compania. Y e cifranan mas recien pa ISPs, revela e siman aki… no ta bon.

Specificamente, ACSI a encuesta satisfaccion pa Wi-Fi na cas pa prome biaha e aña aki, cu un enfoke particular riba con bo experiencia ta diferente cu bo mesun ekipo a diferencia di e ekipo ISP default. E encuesta a mira un cantidad di diferente aspecto, cu consumidornan evaluando cada un den un escala di 1-100. Un pa un, e clientenan usando nan propio ekipo a resulta miho. E diferencia mas grandi den felicidad tabata costo. Clientenan usando nan propio ekipo di red a evalua nan satisfaccion cu e balor di nan compra na 72 di 100. Esunnan usando e hardware ISP a marca e balor na 66.

Otro aspecto tabata mas cerca, pero e ekipo ISP a cay atras den cada categoria. Cliente cu a cumpra nan propio modem of router tabata mas feliz cu con lihe e ekipo a restart (74 vs 69 pa ISP), mas contento cu dependencia di servicio (75 vs 71) y cu alcance (75 vs 72). Ambos tipo di cliente a reporta mas o menos e mesun nivel di satisfaccion cu siguridad di nan red (75 vs 74 pa ISP).

No tur ta mal noticia pa ISP. E satisfaccion general di cliente e aña aki di 65 pa e categoria a subi cu 4.8% for di aña pasa, cu 8 di 11 ISP mustrando mehoracion. Comcast Xfinity a mira e aumento mas grandi, subiendo 8% na tercer luga cu score di 66, mientras Verizon Fios a mehora 4% na un score di 73, e miho di su clase.

Bisando esey, na momento cu ACSI a encuesta satisfaccion cu calidad general di Wi-Fi, tabata ekipo di Verizon Fios cu a lidera cu un score di 77/100. Tabata e unico ISP pa vence e fabricantenan tercero. Despues tabata Netgear y TP-Link, cu score di 75 cada un, y Linksys, cu score di 73.

Por mira e reporte completo haciendo via e QR code.