Minister di Turismo Dangui Oduber ta anuncia ayera a inicia e construccion di e pier na Rodgers Beach na San Nicolas. E pier a wordo aproba den e presupuesto di Tourism Product Enhancement Fund (TPEF) y ta cla pa ranca sali.
E mandatario a menciona cu e proyecto ta encera un pier di 29-meter cuadra y tambe un plataforma di na banda di e pier cu por wordo uza pa haci zonnebad of simplemente pa bula den lama. Pa traha e pier lo haci uzo di e pilarnan existente den e lama. Segun minister Oduber e proyecto aki ta premira pa termina den 6 siman di tempo. E mandatario a bisa cu e idea ta pa rebiba e area di Rodgers Beach bek pa di e forma aki mehora e producto Aruba.
Den e potret por mira un Rodgers beach yen di hende den decada di aña 1960.
Minister Dangui Oduber ta contento di por cumpli cu e pueblo di Aruba y e comunidad di San Nicolas, apesar di e situacion actual dificil toch ta logra duna Rodgers Beach su pier bek. Minister Oduber a demostra di ta cumpli cu loke e anuncia, un politico cu ta haci loke ta bisa y bisa loke e ta haci. Minister a anuncia e proyecto aki y awe e ta cumpli cune y San Nicolas.
