Diamars atardi na momento cu e oficina di Gobierno na Santa Cruz tabata cerando su porta e trahadornan a scucha tironan a cay cerca di nan luga. Nan tabata spanta pa loke a pasa y no kier a sali pafo y a raporta na Polis di biaha cu tiro a cay.
Polis a presenta cu urgencia na e sitio y a topa cu hulsnan benta na e entrada principal di e luga y a cera e area ki pa recherche y departamento forensico haci nan investigacion necesario. A tuma nota cu e desconocinan a intenta pa kibra e man di porta pa drenta pero no a logra unda aki lo a los tiro riba e porta pero nan intento a fracasa pa drenta. Tabatin persona cu a mira e sospechosonan y a notifica autoridad con e personanan aki ta mustra y den ki auto nan a bay. E caso aki ta mustra mas bien cu ta un atraco nan kier a tira pero a fracasa.
