Ta un lastima cu e periodo aki no ta wordo dedica pa prepara algun cambio e.o pa eleva Oranjestad nos capital.
Tur hende ta sinta warda te ora e motor di economia mundial inicia esta Aviacion cu ta trece Turismo y por añadi crucero inicia.
PPA ta di opinion cu e periodo aki mester wordo positivamente usa pa gobierno y partnernan e.o. den sector turistico pa prepara un strategia pa eleva nos producto economico en general. Den esaki no por keda sin inicia cu nos capital esta Oranjestad!
Kico lo eleva Oranjestad y sigur e caya principal G.F. Betico Croes tambe yama pa nos grandinan ‘Caya Grandi’ y vecindario?
- Expansion di sitio pa Crucero por stacion na 7 sitio!!
Na prome luga un desaroyo cu por tin un impacto riba caya grandi den futuro ta desaroyo di nos industria di Cruzero. Naturalmente ta un hecho cu pa ricibi crucero den futuro lo depende di inicia di e Industria di Crucero y con nan clientenan ta acepta e movecion aki den futuro cercano.
Sin embargo lo ta hopi positivo ….si Gobierno di Aruba duna APA NV instruccion pa dedica prioridad na prepara un proyecto pa expande e sitionan cu Crucero por para na Oranjestad.
Na e momento aki nos tin espacio pa 2 barco crucero grandi y 2 mediano….PPA ta di opinion cu Aruba mester cuminsa expande pa haci esaki bira 7 sitio ( 2 grandi mas y un mediano !)
Naturalmente esaki mester wordo acompaña cu un mercadeo den e mundo di Crucero cu Aruba lo tin extra sitio disponibel segun un ‘escema/timetable’ cu lo mester wordo prepara hunto cu e proyecto aki.
Un proyecto aki lo tuma su tempo pa ehecuta:
Lo mester coba e haf di Oranjestad y lo mester construi e ‘infrastructura necesario’ esaki lo crea cupo di trabou ‘bon paga’ pa e periodo di construccion cual lo termina creando ainda mas cupo di trabou ora e sitio ‘extra’ aki termina.
Naturalmente segun e ‘time-table’ e sitionan aki lo termina ex-cantidad di luna for di otro creando espacio pa e efecto di un bon mercadeo haci su impacto.
Final di e proyecto aki lo nifica mas cupo di trabou tanto den transportacion pero tambe den e locual Aruba/comercio logra expande y mercadea e centro di Oranjestad cunele iniciando cu nos “Caya G.F. Betico Croes y vecindario.
- Wilhelminstraat y vecindario Caya di Restaurant/Cuisine !
Y di dos desaroyo cu lo mester ricibi atencion di tanto Gobierno como su
partnernan economico ta e mantencion di Wilhelminastraat y vecindario cu den curso di tempo a desaroya su mes como di Restaurant di nivel.
PPA ta di opinion cu lo mester tin un coordinacion entre gobierno y e sector aki pa gobierno por ta altante di e cantidad di Restaurant cu lo tin intencion pa continua cu e servicio aki y nan ‘timetable’ pa cu esaki.
Den e plan di mercadeo nacional lo mester wordo menciona e caya aki y su servicio etc.!
- Caya ‘G.F Betico Croes y vecindario’ lo mester bira mas conoci tambe como e ‘Fashon district of Aruba’!
PPA ta di opinion cu lo mester haci un esfuerso pa haci Caya G.F. Betico Croes y vecindario bira conoci den e plan di mercadeo di Aruba como e
Fashon district of Aruba !
Awor nos ta tende gaba e critica di hopi …….ta ken e partido PPA ta kere cu nan ta…..nan ta morto …….
Well PPA ta un organisacion activo cu ta keda proyecta nos vision y ideanan y ta keda reunion pa nos formulisa ideanan nobo.
Ta un realidad cu Aruba como destinacion turistico ta gosa di e presencia di masha hopi ‘producto y brands internacional’ pero realidad di bida tambe ta cu nan ta hopi reparti entre Oranjestad, Noord y otro districto.
PPA ta di opinion cu si hiba un strategia entre entrepreneur/comerciante y doño di edificio den Caya grandi y vecindario y purba coordina presencia di ‘producto y brands internacional’ hunto den cercania di otro den Caya Grandi y vecindario cu esaki lo por crea un ‘balor agrega’ na e producto cu yama ‘Oranjestad nos Capital’ ….Our Fashion district.
Y naturalmente lo tin cu lo critica e idea di PPA pero nos ta bisa si bon tin un cantidad di ‘producto y brands Internacional’ di Merca mes, di Europa, di Asia, di Africa y no lubida di Caribe…..cu e ‘balor agrega’ lo por ta hopi mas cu hopi lo spera tanto pa ‘entrepreneur/comerciante’, doño di edificio, trahado y gobierno di Aruba mes…
Pa logra esaki gobierno lo mester sinta na mesa cu comerciante, doño di edificio den Caya grandi y vecindario etc.… pa ‘make it happen’…. No mester exclui un maneho di mercadeo cu ta stimula e desaroyo aki.
PPA lo kier agrega cu pa haci Caya GF Betico Croes bira e ‘Caya di Fashion’ etc. lo e mester bira un caya unda tin movecion…..aki tin PPA ta pensa riba e movecion di nos cultura local y Caribense….
Nos ta pensa riba creacion e.o. di un ‘Plaza di Cultura’ na final di Caya grandi net pariba di final di Caya grandi na unda lo por tin benta di ‘Arte/souvenir y tocamento di nos musica local….. ….. memey di nos Cay grandi igualmente musica tambe!!
Riba cierto dia kisas Caya y vecindario por habri poco mas laat pa asina keda habri un poco mas laat tambe….ofreciendo tanto local como bishitante e ‘ambiente Arubiano’ cu ta apoya e producto turistico Arubano.
- Un Museum ‘Nacional’ dedica na nos historia Arubano basa riba un concepto mas amplio di nos historia lo mester wordo
estableci den centro di Caya GF Betico Croes pa asina sirbi como un ‘trekpleister’ pa hopi turista sea bini of wordo treci eynan!.
- PPA ta di opinion cu ehecucion di e posibel proyecto di un ‘Port City’ lo mester wordo ainda mas criticamente evalua pa e no bira simplemente movecion di e centro di Oranjestad pa ta riba e x tereno di Haf….algo cu no ta necesario y lo no contribui na mucho den concepto di PPA!! Pero si lo resulta un ‘real estate’ di otro mundo pa algun hende.
Presencia di un World Trade Center unda Aruba ta duna servicio na ‘International Trade’ en general ta keda parce PPA un alternative mucho mucho mas atractivo. Un Word Trade Center bon hinca den otro lo crea cupo di trabou di balor y lo por tin un impacto economico ‘agrega’ riba henter nos isla di Aruba. Mas cupo di trabou di balor y un desaroyo economico jamas bisto!!….sin embargo decision y maneho al fin ta di gobierno di Aruba!!
- Naturalmente Oranjestad tin varios tarea importante mas pa nos pueblo….sitio di nos gobierno y parlamento y un parti grandi di departamento di gobernacion ta keda di un importancia enorme…….
Ta keda importante pa nos pueblo por drenta Oranjestad facil y sali bek di Oranjestad facil na tur momento. Evita e asina yama ‘cobramento y boet pa parkeer’ esey No ta necesario…!
Entodo caso meta di e articulo aki ta pa stimula como ‘Food for thought’ e proyectonan menciona y mas cu merece atencion riba mesa di preparacion di Gobierno y empresanan di gobierno den e epoca aki!!
