Billie Eilish a critica e movemento ‘All Lives Matter’

Billie Eilish kier pa mundo mira e problematica cu actualmente ta afecta su pais, y cu hende privilegia no purba desvia atencion for di esaki. Den un mensahe duro, e cantante a laga na cla su punto di bista y a duna di conoce ki movemento e lo sostene.

Eilish a splica cu e no a haci referencia na e tema polemico aki debi cu e tabata kier dirigi su mes cu respet dilanti di e situacion.

E strea originario di Los Angeles a confesa cu el a kibra su silencio ya cu e ta harto di mira publicacion referente na e movemento ‘All Lives Matter’. Esaki a purba desacredita e campaña di Black Lives Matter.

“Si mi scucha un hende blanco bisa ‘tur bida ta importante’ un biaha mas, mi ta bay perde mi cabes. Niun hende ta bisando cu bo bida no ta dificil. Niun hende ta bisando literalmente nada di bo. Esaki no ta trata di bo, bo no tin necesidad. Bo no ta den peliger”, el a critica.

E cantante a splica den termino basico, pues el a argumenta cu ta mas facil di compronde, e necesidad di persona afroamericano. “Si bo amigo corta un brasa, bo lo warda pa hiba band-aid na tur bo amigo, pasobra tur brasa ta importante? No. Bo lo yuda esun cu tin dolor y pasobra e ta sangrando”, el a simplifica.

Eilish a puntra su publico si tur bida ta importa igual, pakico ta afroamericanonan a ser asesina, mientras cu hende blanco tin oportunidad cu otronan no tin na Merca.

“E frase ‘black lives matter’ no ta nifica cu otro bida no ta importa. Simplemente e ta halando atencion di sociedad cu claramente ta kere cu bida afroamericano no ta importante”, el a finalisa.