Relaciona cu e caso di tiramento na Wayaca riba 13 September 2016 unda un homber a drenta un cas y tira riba dos persona y un a fayece autoridad algun siman despues di e caso a haci detencion di dos homber. Tanto na Pavia y Piedra Plat a detene e sospechosonan.
Tanto e homber P.S.F y J.P.E ta den man di husticia un ta e sospechoso cu a drenta e cas tira e señora mata y e otro ta esun cu lo a manda pa mata. Recherche ta investigando e caso aki profundamente pa sa e motibo di e tiramento aki y no por descarta si por ta un reglamento di cuenta.
Pero e sospechosonan deteni mester a bisa autoridad di unda nan a logra yega na e arma pasobra e arma no ta cana yega cerca di nan y nan a menciona nomber di un persona. Asina siman pasa autoridad a detene e homber I.R.J.Figueroa y diabierna a presenta dilanti fiscal pa haya su dianan y duna su comentario na fiscal over di e arma.
I.Figueroa no ta e di tres sospechoso e ta simplemente e persona cu a bende e personanan deteni e arma pero e no sa cu nan lo bay tin e intencion di bay tira un hende mata, segun informe. Fiscal pronto lo tin presenta e caso aki completo dilanti Hues pronto den corte.
