Horcan Matthew ta sigui su rumbo desastroso y ta spera di yega Merca diahuebs anochi of diabierna . E horcan ya a tuma e bida di 10 hende di cual 5 na Haiti unda mas cu 1500 hogar y miles di hende ta afecta. Cuba tambe a sinti e efecto. Awe e ta cerca di the Bahamas.
Segun e ultimo informacion e tormenta a gara forsa atrobe y e biento fuerte cu awacero pisa ta keda afecta e parti Cariben te awor.
E habitantenan y autoridadnan di e estadonan Mericano Florida, Georgia, South Carolina y North Carolina ya a cuminsa cu nan preparacion. E gobernador di South Carolina ya a duna instruccion pa evacuacion cuminsando awetardi pa Charleston y Beaufort, cu ta situa na costa. Gobernador di Florida a declara estado di emergencia pa henter Florida.
Te ainda nos no a haya informacion cu e vuelonan di Aruba pa destinacionnan Mericano ta afecta.
.jpg "Matthew a tuma bida di 330 hende caba: 264 so na Haiti")
