Awe den oranan di atardi na Pavia Country Club a bati alarma pa un cas na unda tin un candela grandi, cu a resulta di ta e residencia di ex-minister y lider di partido POR, Otmar Oduber.
Durante un transmision en bibo di e medio local 24ora por wordo mira cu e situacion bay for di man na momento cu e reportero cu tabata informa e situacion aki, terminando den sla y agresion. Na e momentonan cu e medio aki tabata grabando e situacion e ex-minister y su casa, a purba di detene e grabacion pa loke nan tabata manifesta cu nan tabata para riba un tereno priva. Pero manera comunidad por a mira, esey no tabata e caso, caya ta caminda publico na unda tur persona tin derecho di cana libremente.
Haciendo su trabou periodistico, el a wordo ataca pa Ralph Maduro, ken tabata compaña e ex-minister y cu despues a keda deteni pa polis pa via di e agresion.
Di mesun manera, a keda conoci cu e incidente di candela a cuminsa den area di cushina di e cas, cual a causa basta daño. Unidadnan a yega di biaha pa e sitio y a drenta accion di biaha. Tabata cas di ex minister na candela parti patras lo tabata tin e candela. Bomberonan a bringa basta rato pa combati e candela aki.
