Aruba lo ricibi ofertanan te cu dia 15 di mei proximo, pa huur un capacidad di almacenaje di productonan petrolero y crudo, cu a habri despues di retiro di un subsidiario Mericano di e compania estatal Venezolano, PdV.
Segun e compania basa na London, Argus Media, un oficial senior di gobierno local a bisa cu mas di 40 compania a expresa interes den e almacenahe riba nos isla. E compania estatal Refineria di Aruba (RdA) ta spera di entrega e contract di almacenaje na fin di mei of cuminsamento di juni.
E oferta pa huur ta yega na momento di presion severo riba almacenaje onshore y flotante, debi na un aumento historico di suministro y un collapse den demanda causa pa pandemia di COVID-19, como tambe esfuersonan relaciona cu contenimento, y e resultado negativo riba economia.
Aruba tin 10 tanki di almacenaje disponibel pa huur prontamente, cu capacidad pa 665mil bl di producto limpi, 5.224mn bl di crudo y 518mil bl di naphta, segun un material promocional obteni pa Argus. Otro shete tanki actualmente ta wardando reparacion, y tin capacidad pa 4.224mn bl di crudo.
RdA a recupera control riba un refineria desgasta, tankinan di alamcenaje y un terminal di transshipment despues cu recientemente a termina un contract a largo plaso cu e compania di holding di PdV.
PdV Holding basa na Delaware ta controla pa e oposicion politico Venezolano, cual tin sosten di Merca. El a hereda e proyecto di refineria di Aruba di $1.1 biyon na momento cu a tuma over activonan Mericano di PdV aña pasa. Citgo, e brasa di refineria Mericano di PdV, tabata e project manager pa Aruba.
