Parlamentario Endy Croes a splica cu siman pasa durante e reunion publico a trata Interim Begrotingsfonds Social Crisiplan ( IBSC) cual ta resorta bou Minister Glenbert Croes. Parlamento a haci pregunta alrespecto e “wachtlijst” di Voogdijraad. Directie Voogdjiraad ta resorta bou di Minister di Husticia y pa tal rason Minister di Husticia mr. Andin Bikker mes a bini Parlamento pa contesta e preguntanan alrespecto su cartera.
Den amplio splicacion a compronde cu e wachtllijst a baha na 112 caso:
Di acuerdo cu informacion cu Minister Andin Bikker a comparti cu Parlamento cu Directie Voogdijraad tin un wachtlijst di 112 mucha menor di edad pa cu e fecha di 10 di Februari 2020. Den comparacion cu e mesun fecha aki na 2019 e lista di espera tabata 179 caso. Pues por mira un adelanto y un reduccion di 37% den comparacion cu e aña anterior. Pa cu e “cut off date” esta 10 di Februari 2020 a comparti e siguiente informacion. Un total di 510 caso di menor di edad di cual tin 139 dossier uitgedeeld, 259 caso cera esta uitgesloten y 112 caso pendiente. E maneho den comparacion cu e gobierno anterior a conoce un adelanto inmenso como cu awor ta duna balor y contenido na e instancianan den e field.
Meldpunt kindermishandeling tambe a conoce progreso:
E comision cu ta atendiendo cu esaki a continua cu nan trabounan. Tin 3 Lider di 3 departamento trahando riba esaki cual ta consisti di Husticia ( Voogdijraad) , Sociale Zaken y Bureau Sostenemi.
E periodo tras di lomba tabata uno mas bien pa ekipa y prepara e lidernan di e proyecto cu sosten di entre otro UNICEF. Pa fin di mei tin riba e programa e prome ronda pa sinta na mesa pa cu implementacion di e ley unda cada Lider di proyecto lo sinta cu su sector pa haci un evaluacion y bin cu pasonan concreto den henter e proceso. Intencion ta fin di September 2020 e codigo lo ta cla pa implementacion y ehecucion di e prome fase di e ley aki. Pues all by all por mira cu e gobierno aki si a inverti y duna contenido real na locual ta e problemanan grandi social cu a encontra Aruba aden. Mediante Social Crisis Plan y cu hopi esfuerso di Minister Glenbert Croes e gobierno actual a aloca fondonan necesario y hunto cu 31 departamento ta trahando dia y nochi pa alivia y resolve e gran cantidad di problemanan social cual por cierto bou di gobernacion anterior a wordo ignora. Parlamentario Endy Croes ta gradici e esfuersonan sobre humano di tur nos profesionalnan den e “field” Social y kier garantisa nan cu nan por conta cu sosten di Coalicion y Parlamento den henter e proceso aki pa logra nos obhetivo y metanan brindando e ayudo na esnan den necesidad.
