E rapid testing ta wordo uza den diferente pais. E ta un test cu ta yuda detecta e anticurpanan pa sa si e persona ta immuun caba contra coronavirus/Covid-19.
Sinembargo na Aruba tin cierto reserva pa us’e debi na conseho cu Netherlands National Institute for Public Health and the Environmentdi (RIVM) a duna na departamento di Salubridad Publico di Aruba (DVG).
Sharline Koolman di DVG a declara cu nan a yega di tene diferente reunion entre otro cu RIVM, caminda den nan combersacion cu RIVM di Hulanda, nan no ta para tras di e rapid testnan.
El a bisa cu e motibo tras di esaki ta cu nan ta genera hopi falso positivo y falso negativo. Pues “e discrepancia ta mucho, y e no ta duna bo un balor agrega pa bo epidemiologia,” el a bisa.
Te cu aworaki, nan ta mira cu e unico test confiabel ta e PCR. Nan ta uzando e test aki, hunto cu e test serologico pa diagnostico di e pashent. Koolman a finalisa bisando cu te cu awor aki loke RIVM ta conseha ta pa sigui haci uzo di e PCR pa diagnostico.
