Director di DOW, Marlon Croes a bisa cu den e cuadro di re start nos economia, Minister Presidente como e team di maneho a bin cu un decision pa re actividad algun sector como construccion cu ta genera actividad economico.
Nan ta actividad cu a wordo categorisa, y DOW ta encarga tur e contratistanan cu ta bay cuminsa traha pa nan tin un bista riba tur e proyectonan cu ta tuma luga, unda y cantidad di hende.
Croes a indica cu di e forma aki nan por controla cuanto hende nan tin na trabao caba y tambe pa nan por tin un bista di e legalidad di e proceso. Den apenas dos dia 230 compania y persona natural a registra caminda pa medio di nan sistema digital DOW ta outlook tur e peticion aki y cuminsa cu e proyectonan di biaha. Croes a bisa cu interes y e demanda ta halto.
Mirando e situacion actual cu industria di turismo a resulta seriamente afecta local y mundialmente, Croes a bisa cu tin diferente pensamento riba e proyecto hotelero cu tabata programa, Pero mester evalua con e industria aki lo sigui desaroya durante e crisis aki. Nan tin cu tene cuenta cu ATA su pensamento. Sinembargo -segun director di DOW- nan por mira cu toch Aruba ta un producto cu tin hopi demanda den Caribe. Awor mester sigui mantene pa nos por trece turista principalmente pa nos por sigui yena e hotelnan.
