Minister di Salud, Nelson Teich, a bisa cu den dianan aki ‘un of dos dia’ nan lo anuncia e fecha di inicio di un campaña publicitario di gobierno riba coronavirus.
Segun e gabinete di Salud, Brazil tin 8.536 morto pa COVID-19. Den total, 125.218 caso positivo a wordo confirma. Den 24 oranan ultimo, a confirma 615 morto mas y 10.503 caso nobo. Esaki ta e mayor aumento pa dia den e total di morto y casonan nobo di coronavirus desde cu a pandemia a cuminsa.
Durante un conferencia di prensa na Palacio di Planalto, Teich, ken a asumi e funcion 17 di april ultimo, a bisa cu e publicacion di un campaña publicitario tabata un sugerencia di presidente Jair Bolsonaro.
Segun e minister, durante un reunion diamars ultimo, Bolsonaro e “enfatisa” cu e gobierno mester papia “un tiki mas riba enfermedad na e momentonan aki”.
“Mi ta sigui simplemente un sugerencia cu Bolsonaro a haci, nos lo haci esey. Debi na cu nos tin cosnan na e website, nos tin pauta, pero pa intensiva e comunicacion aki, mi ta kere cu lo bay ta hopi importante”, e minister di Salud a bisa.
Segun e minister, den relacion cu e mortonan e curva di contaminacion no a disminui. “Asina cu nos mester duna mas atencion pa esaki, intensiva nos comunicacion cu e sociedad un tiki mas, papia di atencion”, el a agrega.
“Esaki ta bay mas leu cu salud, ta trata di e manera cu e hendenan di afo ta bay wak nos. Tin hopi mas implicacion cu coronavirus. E discusion aki lo sosode den detaye, lo tin un secuencia di accionnan y, na un situacion extremo, nos lo sinta y papia”, el a declara.
