Awe merdia gobierno a comparti e lamentabel noticia cu Aruba a conoce su tercer victima fatal di coronavirus.
Ta trata di un di e dos pashent interna den Unidad di Cuido Intensivo pa COVID-19.
Esaki ta e unico informacion cu por wordo divulga na e momentonan aki.
Gobierno di Aruba y DVG ta manda palabranan di profundo condolencia na famianan di e fayecido.
Segun informacion di otro medionan local, e persona tabata un dirigente di futbol di Pos Chikito. E tabata interna den ICU pa varios siman cu complicacion serio di COVID-19.
