Tur aña riba dia 4 di mei, Reino Hulandes ta conmemora e victimanan di II Guera Mundial.
Gobernador di Aruba, Sr. Alfonso Boekhoudt den presencia di nos Prome Minister, Evelyn Wever-Croes a pone un ofrenda floral dilanti e monumento cu ta honra e memoria di e victimanan cu e conflicto mundial aki a laga na Aruba.
Camarada Aruba ta e organisacion cu legalmente tin e tarea di organisa e evento aki anualmente. Nan ta traha e invitacion pa tur e dignatarionan y tambe pa nos Gobernador di Aruba.
Tambe nan ta conta cu colaboracion di e militarnan di Marinierkazerne. Sinembargo e aña aki e conmemoracion aki tabata uno singular pa motibo dor di e crisis di coronavirus cu nos ta aden actualmente.
El a splica cu door di shelter in place, Camarada Aruba mester a haci nan conmemoracion masha simpel mes. E biaha simplemente Gobernador y Minister Presidente di Aruba por a bin na e plaza aki. E ta spera cu otro aña nan lo por t’ey bek, pero cu e ceremonia protocolario completo.
Camarada Aruba ta un organisacion di tur ex militarnan y tambe tur esnan cu a sirbi den servicio militar entre aña 1941-45 durante II Guera Mundial. Te ainda nan tin un grupo di e veteranonan aki como nan miembronan
a wordo funda 12 aña pasa
