Mei lo por ta e luna clave pa reactivacion di e region. Aunke mayoria di e paisnan di Latino America te ainda no a cuminsa habri nan negoshi ni ta permiti pa scol habri bek, manera a sucede na Asia y Europa, poco a poco e Latinonan ta cuminsa prepara pa retoma nan bida tal como nan a conoce lunanan atras.

Den e sistemanan federal di Brasil y Mexico, cada estado tin un margen grandi di maniobra pa dicidi con y ki ora lo permiti pa negoshinan habri bek y trahadonan bay traha. Na Argentina e apuesta ta pa e municipio mas chikito pa lo por cuminsa desde awor su normal nobo, mientras cu na Colombia a wordo permiti e regreso di algun sector economico den un intento pa salba e finansanan nacional sin empeora e salud y Chile lo pone traha prome e empleadonan publico.

El Salvador ta un caso particular pa motibo cu no solamente a extende e cuarentena, sino cu ademas Gobierno tin tension cu e poder Legislativo y Hudicial pa e medidanan cu Presidencia a tuma.

Di Argentina, e pais a wordo supera mas di e mita di e plan pa enfrenta e coronavirus, asina a sigura Gobierno di Alberto Fernandez pa motibo cu segun calculonan oficial ta apunta cu Argentina ta den e fase tres di cinco, yama segmentacion geografico.

Na Brasil, e aumento di tension na politica pa impone of aislamento total awor a wordo hiba te reactivacion economico. Desde e aclaracion di estado di calamidad publico, 20 di maart, presidente Jair Bolsonaro a bisa cu ta necesario cu trahadonan sigui bayendo na nan trabou pa economia no collapse.

Mientras e Gobierno Federal tin plania con por bolbe na normalidad, e estadonan cu mas ta nenga pa habri e comercio bek, asina ta sosode na Rio de Janeiro, ora e gobernador Wilson Witzel a wordo contagia di e virus y na Amazonas cu tin e pio crisis sanitario di e pais.

Na Mexico, desde mita di luna di maart, e gobernador di por lo menos 8 estado a decreta aislamento social den su teritorio y a critica e falta di accion di parti di e mandatario Andrés Manuel López Obrador. Poco dianan despues, 30 di maart, Gobierno Federal a decreta emergencia sanitario y a aplica tres restriccion grandi pa tur Mexico: prohibicion di aglomeracion, paro di actividadnan no esencial y recomenda e “limitacion boluntario di mobilidad”.