Cada bes ta bin mas claridad cu coronavirus ta causando complicacionnan potencialmente mortal den algun pashent, esaki ta segun un informe tocante e investigacion di Tres hospital Hulandes.
E investigacion cu ta involucra 184 pashent cu coronavirus cua pasa tempo den cuido intensivo, ta mustra cu alrededor di e mita di nan a desaroya sintomanan di trombosis, prop di sanger cu ta impedi e fluho di sanger atraves di e sistema circulatorio.
Dokternan rond mundo a raporta cu trombosis ta un efecto secundario di coronavirus y e investigacion aki a mustra e size di e problema. “ Nos no sa cu tanto pashent a desaroya e complicacionnan di trombosis”, e profesor di hospital di enseñansa di Leiden, Menno Huisman a bisa. E resultadonan aki ta genera sorpresa rond mundo.
Te cu awo e enfoke a centra riba infeccionnan di pulmon y su consecuencianan, no riba trombosis. E investigacion ta significa cu e mediconan awo por tuma medidanan, manera prescribi nivelnan halto di bloodverdunner pa pashentnan cu coronavirus p reduci e posibilidad di complicacionnan relaciona cu trombosis , el a bisa. A descubri cu mayoria di e pashentnan tin long emboli, pero varios a desaroya prop di sanger den e celebro.
Tambe ta notable cuanto prop a ser haya den pashentnan cu no tabata considera den riesgo pa motibo cu nan no tabatin presion halto of nivelnan halto di colesterol, of humado.
