Sagicor Life Inc a anuncia cu nan lo bai tin un virtual townhall meeting, pa cliente di tur liñanan di negoshi, den Zuid y Oost di Caribe, territorionan Hulandes y Belize.
E lo bai tuma lugar diabierna awor, April 24 pa 2:00 p.m. Esaki lo bai cu Live Streaming via di pagina Facebook di compania y canalnan Youtube, además tambe via nos website Sagicor.com, usando e url www.sagicor.com/en/Virtual-Townhall. Clientenan por tambe haña acceso na e Townhall via di Sagicor Life Inc or Sagicor General’s su pagina di Instagram, ariba Twitter via SagicorGroup of LinkedIn via Sagicor Financial Corporation. Clientenan ta ser encurasha pa email nan preguntanan na InThisTogether@sagicor.com.
E panelistanan di e Townhall meeting lo ta Ravi Rambarran – President & CEO di Sagicor Life Inc, y lidernan di negoshi di Trinidad & Tobago, Caribe Hulandes, OECS y Barbados.
Sr. Ravi Rambarran a describi e evento aki como un continuacion di e compania su compromiso pa facilita un acercamiento significativo cu e clientela y stakeholders, cu nos ta valora hopi, durante di e COVID -19. “Como compania nos a hasi un promesa pa mehora e bida di esnan cu ta biba den e comunidadnan unda cu nos ta opera, y nos no por logra esaki sin comprende e necesidadnan di e personanan aki y nan famianan. Durante e ultimo simannan nos a desplega un cantidad di iniciativanan cu e meta pa trese alivio y sosten na nos clientenan y e publico en general. Nos lo kier usa e oportunidad di e townhall meeting aki pa haña algun feedback di e iniciativanan menciona y tambe pa scucha y atende e preocupacionnan cu clientela y stakeholders lo por tin” Rambarran a bisa.
Desde e confirmacion di casonan di COVID-19 den Caribe y e implementacion di Toque de Queda y lockdowns den henter e region, Sagicor a institui diferente politicanan pa asegura continuacion di negoshi y duna alivio financiero pa esnan cu a sufri impacto negativo den nan entrada, hasiendo donacion di recursonan pa sostene esnan mas vulnerable y den riesgo, hunto cu e sosten pa famianan cu tin cu biba cu e restriccionnan imponi ariba movimiento y socializacion.
Notable ta e hecho cu e compania a asisti cliente facilitando pago adelanta di pensioen na nos pensionadonan, pa nan por cumpli cu nan necesidadnan financiero immediato, ademas di ofrece e opción di suspende temporariamente pago di crédito di hipoteca residencial y comercial. Sagicor tambe a hasi donacion di US$ 1,000,000 pa sostene accionan di contencion di Covid-19 y esfuerzonan di tratamiento den henter e region. Na mes momento a duna varios miles di dollar pa suministra paketenan di cuido pa nos grandinan, esnan sin cas y e miembronan cu menos bentaha di nos sociedad.
Over di Sagicor:
Sagicor ta un proveedor lider di servicionan financiero den Caribe, cu casi 180 aña di historia. E tin un creciente presencia como un proveedor di seguro di bida na Merca. Sagicor tin mas cu 4,500 empleado y ta ofrece un amplio surtido di producto y servicionan, incluyendo seguro di bida, salud, seguro general, servicio di banco, pension, annuiteit y Real Estate. Sagicor su sede ta registra na Claredon House, 2 Church Street, Hamilton, HM11, Bermuda, y su oficina principal ta situa na Cecil F De Caires Building, Wildey, St. Michael, Barbados.
Informacion addicional di Sagicor por obtene cu un bishita na Sagicor.com
Contact information:
Ingrid Card
Vice President – Group Marketing, Communications & Brand Experience
Office – 246.467.7500, Cell: 246.230.5315, Email – Ingrid_Card@sagicor.com
Sagicor Financial Corporation, Wildey, St. Michael, Barbados
