Awe nos pais a yega na e cifra di 100 caso positivo di coronavirus/Covid-19, desde cu e prome caso oficial a wordo descubri dia 13 di maart ultimo. El a subi cu 3 caso entre awe y ayera.
Cada dia mas e desaroyo di e virus ta mustra cu nos tene controla. DVG a bin cu un actualisacion di casonan di Covid-19 cu ta mustra cu te awe merdia tin 30 caso positivo y activo di persona isola pa causa di e virus. Ayera nos tabatin 44.
Igualmente e dato di DVG ta mustra cu 68 persona a recura. E cifra aki a subi ya cu nos tabatin 51 persona recupera ayera. Nos tin 1504 persona cu a wordo getest. Di nan 1381 ta negativo. E cifra aki a subi cu 26 persona mas cu a getest entre ayera y awe.
Tin 65 persona den cuarentena, esaki si no a subi ni baha. Ainda e cifra di personanan morto cu a resulta positivo pa Covid-19 ta dos.
