Segun prome minister Eugene Rhuggenaath, kende tambe ta minister di educacion, e medidanan a wordo extendi na principio di siman pasa. Scolnan lo permanece cera te cu dia 27 di april.
E prome mandatario a indica cu gobierno conhunto cu e hunta escolar, lo facilita e medidanan paso pa paso. “ Nos lo wak y di cua manera por re-habri scolnan. Nos ta preparando, bo tin cu pensa den e posibilidadnan di mantene e distancia y e medidanan di higiena”.
Scolnan a cera dia 17 di maart, y e hunta escolar hunto cu e ministerio di educacion ta studiando con pa continua cu examennan, den consulta cu Hulanda. “ Nos a perde 16 dia escolar pa motibo cu tambe nos tabatin vakantie cu a caba ayera”.
Rhuggenaath ta satisfecho cu e digitalisacion y e ideanan innovador. Sinembargo ta nos consciente cu algun di e muchanan no tin acceso na internet.
“ Nos ta trahando den posiblidadnan pa permiti cu tur e muchanan ta ricibi educacion na distancia, pa motibo cu esaki ta e realidad nobo na e momentonan aki. Universidad ta mirando esaki . Tambe pa maestronan como studiantenan mester mantene e disanciamento social.
E prome mandatario ta bisa cu e digitalisacion ta algo di locual e ministerio di educacion tabata bisando durante di tempo. Esaki tambe tin prioridad ya no ta un deseo sino un rekisito. E ta necesario e minister a bisa.
E siman aki lo tin detayenan tocante e apertura si scol y con esaki lo tuma luga.
