Ademas di un persona di 79 aña cu tabatin 15 dia interna den cuido intensivo, sorpresivamente un hoben popular y conoci a fayece. Ambos a test positivo pa Covid-19. “Ma keda cu e deseo cu nos no lo yega asina leu,” prome minister Evelyn Wever-Croes a bisa. El a expresa su condolencia na famia di e fayecido. Update ta indica un caso extra positivo pa total 93 positivo. Nos tin 53 caso activo. Tin tres hospitalisa den cuido intensivo.
