E casonan di coronavirus ta sigui aumenta, aunke no den tur teritorio na e mesun velocidad. E caso mas grave den nos region ta Republica Dominicana, unda ayera e cantidad di morto a aumenta cu 38 morto den ultimo 24 ora, pa yega na un total di 173 morto.
Esey tabata 10 caso mas compara cu loke a registra den e prome 28 dianan desde cu e detecta e prome caso. Ademas segun e medio Listin Diario tin 99 pashent den estado critico den hospital. Cu 2.349 caso dia 9 di april, Republica Dominicana ta sigui encabesa e lista di pais di Caribe pa loke ta caso detecta. Mientras tanto, e pais aki a yega na 2.967 caso ayera.
Sin embargo, den e fin di siman di Pasco Grandi e cantidad di caso y morto a sigui den un linea ascendente, cu 208 caso nobo den ultimo 24 ora (diadomingo/dialuna), pa yega na 2.967, di cual 383 ta den isolacion na hospital y 2.280 ta den isolacion na cas.
E total di caso di coronavirus den Caribe a alcansa dia 9 di april e cifra di 4.651 y na e momento aki lo a surpasa 5.000.
Lista di caso confirma/morto/persona recupera pa region Caribe
Republica Dominicana 2349 caso, 118 morto, 80 recupera
Puerto Rico 683 caso, 33 morto
Cuba 515 caso, 15 morto, 28 recupera
Martinique154 caso, 6 morto, 50 recupera
Guadeloupe141 caso, 8 morto, 43 recupera
Trinidad & Tobago 109 caso, 8 morto, 1 recupera
Guiana Frances 83 caso, 43 recupera
Aruba77 caso, 14 recupera
Jamaica 63 caso, 4 morto, 9 recupera
Barbados 63 caso, 3 morto, 8 recupera
Cayman Islands 45 caso, 1 morto, 6 recupera
US Virgin Islands 45 caso, 1 morto, 39 recupera
Sint Maarten 43 caso, 8 morto, 3 recupera
Bahamas 40 caso, 7 morto, 5 recupera
Guyana37 caso, 6 morto
Saint Martin 32 caso, 2 morto, 11 recupera
Haiti 30 caso, 2 morto, 1 recupera
Antigua &Barbuda 19 caso, 2 morto, 2 recupera
Dominica 15 caso, 1 recupera
Saint Lucia 14 caso, 1 recupera
Curacao14 caso, 1 morto, 7 recupera
Grenada12 caso
Saint Kitts & Nevis 11 caso
Suriname 10 caso, 1 morto, 4 recupera
Montserrat9 caso
St Vincent &Grenadines 8 caso, 1 recupera
Turks and Caicos 8 caso, 1 morto
Belize 8 caso, 1 morto
Saint Barthelemy6 caso, 4 recupera
British Virgin Islands3 caso
Anguilla 3 caso
Sint Eustatius 2 caso
Nota di redaccion:
Tuma bon nota cu esaki ta e situacion di 9 di april pasa. Den e dianan despues a mira e situacion na Aruba bay di 77 te 92 caso pa dia 12 di april, cu 92 caso detecta, y 29 recupera.
