Ministerio Publico na Hulanda a dicidi di persigui 2 di e 5 polis sospecha den e morto di Mitch Henriquez. E acusacion ta homicidio sea culpabel di causa un morto. Pues esaki a cambia: prome e tabata maltrato cu consecuencia fatal.
Abogado di e famia Henriquez ya a indica cu nan kier apela contra e decision aki y asina pa tur 5 lo wordo persigui. Pasobra e echo cu e otro 3 no a actua y cu a yuda wanta Henriquez abou, tambe ta un acto di violencia. (fuente: RTL Nieuws)
Segun e ministerio lo persigui solamente e 2 polis di cual uno a klem Henriquez su garganta y e otro cu a uza pepperspray den su cara. Lo no persigui e otro 3 polis pasobra no tin prueba cu nan accion a contribui na e morto di Henriquez.
E hefe di polis di Den Haag ( e ciudad unda esaki a tuma luga), esta Paul van Musscher a reaccion den un video riba e decision aki. “E caso aki ta touch e complicidad di e trabou (di polis). Nos mester pone pasonan dilanti y actua si ta necesario. Esey ta locual e comunidad kier di nos. Nos tin e monopolio riba violencia y e ta algo grandi cu nos por midi e accion di polis den un forma critico si mester.” Aki por mira e video.
Informacion riba e decision di Ministerio Publico, por haya riba nan website.
