Anti social ta tira sushi y cora riba beach

Den e weekend ki Bon Dia Aruba a observa cu ainda tin ciudadano cu no ta tuma niun responsabilidad pa conserva nos isla y su naturalesa. Diasabra nos a constata na Jaburibari cu desconocido a tira sushi. Ora di investiga nos a mira un map yen di cuentanan y otro documento di e compania Cas di Trofeo. Den e sushi mes nos a haya diferente pidi tambe di trofeo. E otro caso a sosode riba diadomingo na Andicuri unda un famia Arubano a dicidi di core riba e beach pa asina baha nan cosnan. Ora un otro Arubano a confronta e famia, nan no a worry mucho. Hasta e yiunan tabata caba cu ‘tata ta core riba e beach’. Ora a splica e muchanan cu esaki no mag, a bisa cu ‘mi tata no ta worry toch’. E storia no a caba: e Arubano cu a avisa e famia aki a haya su mes cu un sorpresa ora di bay cas: su pickup tabata full rasca.  El a dicidi di yama polis cu a tuma proces-verbaal.