Den un esfuerso federal masivo, presidente Donald Trump a pidi congreso pa agilisa envio di placa di emergencia na Mericanonan, a enlista militar pa hospital estilo MASH, y a implora ciudadanonan ordinario – particularmente millenials activo riba rednan social – pa duna di nan parti kedando cas pa stop transmision di coronavirus.

Su propuesta di pakete economico por yega na 1 biyon dollar. Un iniciativa di rescate no bisto for di Great Recession. Trump kier pa manda placa na publico dentro di dos siman, y ta urgi Congreso pa aproba

Mientras analista ta adverti cu e pais siguramente ta drentando un recesion, gobierno ta luchando cu un esfuerso politico enorme, cu echo di e crisis financiero na 2008. Na Capitol diamars, lider di mayoria den Senado, Mitch McConnell, a priminti cu Senado lo no suspende te cu e trabou ta haci.

“Obviamente, nos mester actua. Nos no lo bay for te ora cu nos a construi y aproba e proyecto di ley.”, a bisa McConnell. Senado lo vota pa un pakete aproba pa Congreso, di pago pa malesa, cuminda di emergencia y test gratis, poniendo esaki bek na caminda pa firma di Trump – a pesar di protesta di Republicano.

Di un dia pa otro, Cas Blanco a manda legislado un solicitud di fondo di emergencia di 46 biyon dollar pa reforsa atencion medico pa miembro di servicio militar y veterano, financia e produccion di vacuna y medicamento, construi 13 centro di cuarentena na e frontera sur pa migrante, reforsa edificionan militar, y reemobolsa Amtrak pa 500 miyon na perdida di ingreso anticipa, entre otro proposito.

Peticion di Trump tambe ta reverti recorte na centro di control di y malesa y instituto nacional di salud cu Trump a propone pa su presupuesto di februari pa e siguiente aña y lo crea un fondo di 3 biyon dollar pa necesidad imprevisto.

Senador a reuni den Capitol cera mientras ta implora Mericanonan rond di e pais pa atene na conseho y evita multitud. Adultonan hoben, en particular, ta urgi pa stop di sali pasobra hasta hende cu ta parce saludabel por ta plamando e virus cu ta causa e malesa COVID-19.