Un pareha di sur Florida, famoso riba YouTube, a ricibi sentencia di prison federal pa horta fondonan di seguro social y impuesto federal.
Billy Altidor di 29 aña di edad a ricibi dos aña di castigo, y Evanie Louis di 28 aña a ricibi un aña y un dia durante un audiencia dialuna na corte federal na Orlando, segun documentonan di corte. Ademas nan mester paga casi $94mil den restitucion. Nan a declara nan mes culpabel juli ulimo na conspiracion pa comete robo di fondonan di gobierno, y hortamento di identidad agrava.
Segun documentonan di corte, Louis Altidor y otronan a usa informacion personal horta pa haya acceso na website di administracion di siguridad social pa dirigi pagonan di beneficio na cuentanan controla pa e conspiradonan. E conspiradonan a haya acceso of purba di haya acceso na cuentanan online perteneciendo na mas di 1,400 individuo, sin conocemento ni autorisacion di e victimanan.
E conspiradonan tambe a usa informacion personal horta pa entrega formulario di impuesto falso y dirigi e reembolso di impuesto obteni na cuentanan cu nan tabata controla, segun investigadonan. Nan tambe a usa identidadnan horta pa activa carchi di debit y cuentanan di banco pa ricibi e placa fraudulento.
Canal di YouTube di e pareha, BEAM Squad, tin mas di 1.4 miyon suscrito.
