Reguladonan Frances a multa Apple 1.1 biyon euro ($1.2 biyon) pa cera acuerdo pa tene prijsnan halto, den e sancion mas grandi di su tipo na man di Autoridad di Competencia Frances.
E agencia a bisa cu Apple y bendedonan top a bay di acuerdo pa alinea nan prijs cu e propio prijs di Apple pa su iPad y algun otro producto. E acuerdo no tabata relaciona cu iPhone.
Yamando e multa ‘decepcionante’, Apple a defende su operacion den un declaracion bisando cu su ‘inversion y innovacion ta sostene mas di 240mil trabou rond di e pais’. Apple a agrega cu ta relaciona cu practicanan di mas cu un decada atras y ta benta afo trinta aña di precedente legal riba cual tur compania na Francia ta depende cu un orden cu lo causa caos pa compania den tur industria.”
Dos bendedo ‘premium’ di Apple, Tech Data y Ingram Micro, tambe a ricibi boet na balor total di 139 miyon euro. Autoridad di competencia a bisa cu Apple y e bendedonan a bay di acuerdo pa no competi.
“Apple a explota abusivamente” e dependencia di distribuidonan riba e gigante tecnologico, segun e autoridad, y a “preveni competencia entre diferente canal di distribucion di Apple”, na su turno afectando consumidonan.
