Proveedonan di internet y wireless na Merca a anuncia medidanan temporal pa haci acceso online menos caro y pisa mientras distanciamento social forsa pa motibo di coronavirus ta forsa mas interaccion humano online.
Mas notable ta Comcast su Wi-Fi publico gratis pa tur hende durante 60 dia, efectivo diasabra. Areanan mayor metropolitano ta yen di hotspot Xfinity di Comcast.
Hotspot Xfinity basa na cas no ta inclui, segun vocero di Comcast, Joel Shadle, pero punto di acceso na Wi-Fi den sitionan publico y na negoshinan chikito si.
AT&T y Charter Communications tambe a anuncia Wi-Fi publico gratis pa 60 dia, cu Charter ofreciendo broadband gratis pa cas cu studiantenan te cu edad universitario cu no tin un subscripcion caba.
Verizon tabata entre e cantidad di proveedor cu tambe a anuncia un moratorium riba multa pa pagonan atrasa y desconexion.
T-Mobile a anuncia cu lo provee data ilimita riba smartphone na tur suscrito actual, y aumenta e data aloca na scol y studiantenan usando nan programa di aprendisahe digital.
Cox a bisa cu lo aumenta velocidad riba plan di menos costo di broadband, y Sprint a bisa cu lo duna suscritonan data ilimita pa 60 dia, entre otro cambionan. Comcast y AT&T tambe temporalmente a elimina limite riba uso di data.
E anuncionan ta yega despues di un suplica diahuebs di senador Mark Warner di Virginia y otro 17 colega den Senado na proveedonan di internet.
