Ta conoci un caso reciente cu a tuma luga den awanan di Venezuela caminda un boto a perde. Guarda Costa a duna informacion, consehando pa no bay den area di riesgo na unda guarda costa no tin control.
Mark Solognier di Guarda Costa a splica cu ta compronde cu piscado ta bay cu nan boto na un area mas leu, cu por trece riesgo di drenta den area di teritorio di Venezuela, caminda Guarda Costa di Aruba y Reino no tin permiso ni autoridad.
Nan ta recomenda pa no bay den area aki, mirando cu algo pasa den awanan cu no tin autorisacion, ta e husticia di Venezuela nan tin cu trata cune. “Eigenlijk evita e area aki.” Tambe ta compronde cu piscado gusta e area, pero mester compronde cu ta representa un riesgo.
A puntra si ta vigila boto na momento cu ta sali bay den lama. E ta contesta cu Guarda Costa ta haci yamada pa e piscado no sigui bay, mirando cu no ta awa di Aruba, pa nan mes evita e area aki. Solognier ta bisa cu piscado por mira otro caminda den nan awa, cu no ta Venezuela zuid west, pero haci uso di otro caminda.
Semper tene na cuenta cu ora nan bay, pa nan por ta bon ekipa ‘sin importa unda bo ta bay’. Pa motibo cu si algo pasa nan por haci yamada di prome auxilio, tin radio abordo, telefon cu ta traha bon cu hende por yama y tende nan.
Tambe a puntra Solognier, mirando cu frontera ta cera, con por evalua si un boto sali of con ta realisa control. E ta contesta cu en berdad e frontera ta cera, pero esey ta un acuerdo di e pais, cu ta grandi. Un boto cu sali of bin bek no ta cay den e parti aki, nan por bay zuid pero via nan mesun riesgo ‘esey ta bon cla’.
“Si algo pasa cu e persona den awanan cu no ta di Aruba, desafortunadamente Guarda Costa no por yuda. Sinembargo si por bisa cu ta den bon contacto cu guarda costa di Venezuela y Colombia constante y nos lo keda den contacto cu nan”, Solognier a splica.
