Ministerio di Salud ayera diadomingo a entrega un informe nobo riba e avance di coronavirus na e pais y a confirma cu tin dies caso nobo diagnostica, cu locual e cifra total di contagio na Colombia ta di 34.
E casonan nobo ta concentra den ciudad como Cartagena, Cali, Cucuta, Risaralda, Manizales, Neiva, Medellin y Bogota.
Instituto Nacional di Salud (INS) a practica y verifica e casonan aki.
Ministerio di Salud a informa riba estado di salud y riba e poblacion den cual ta e personanan diagnostica.
Tambe a recorda pa ciudadanonan, mediante un comunicado, cu pa detene e pandemia ta necesario adopta medidanan como laba man frecuentemente, uso di gel sanitizer, igual cu e cuidado na cas di personanan cu sintoma di grip como medida di prevencion.
Otro di e medida ta e uso di mascara na momento cu tin sintomanan di grip y uso limita di sistema di transporte publico, cu tambe a ser recorda pa e ministerio.
Prome caso confirma na Colombia a ser reporta diabierna 6 di maart ultimo y dos dia despues a reporta un caso na Medellin y otro na Buga.
Diaranson 13 di maart a reporta seis caso nobo na Bogota, Medellin y Cartagena, pa loke e cifra di contagio a subi pa nuebe. Cuatro caso mas a registra diabierna 13 na Neiva y dos na Bogota.
Diasabra ultimo a confirma ocho pashent mas cu a duna positivo pa Covid-19, te na e momento ey e rapport tabata duna un total di 24 caso.
