Affected Residents Urirama (ARU) a reacciona riba e noticia cu gobierno a otorga e di tres hindervergunning riba 19 di october. Nan ta bisa cu e organo gubernamental a keda sin pone e habitantenan na altura. E abogado cu ta defende e grupo, a haya sa via un colega recientemente. Despues nan a pidi un copia di e permiso aki na Directie Wetgeving pero esey a bay dificil. Pasobra e departamento prome a bisa cu ta den man di e director si lo duna of no. Asina ARU ta declara. Finalmente e grupo a logra di haya e documento.
E grupo ainda tin un caso den apelacion contra e prome veredicto ora hues a declara ARU no admisibel. Awor e grupo di habitante tambe ta bisa cu lo entrega un bezwaarschrift contra e di tres permiso. Aki bou por lesa e reaccion completo di ARU:
Reaccion di residentenan ARU riba e di tres hindervergunning na Windpark Urirama NV
ORANJESTAD – E di tres “hindervergunning” a wordo otorga dia 19 di october 2015. Esaki a yega na conocimento di e abogado di e residentinan di Urirama, dor cu e apoderado di e organo gubernamental a comparti esaki cu n’e den pasada. E organo gubernamental mes a keda sin pone e residentenan di bario na altura di e otorgamento di e di tres hindervergunning ahusta.
A pidi un copia na Directie Wetgeving di e “hindervergunning” duna, pero via telefon nan a avisa cu ta director mester dicidi si ta haya un copia si of no.
E no ta trata di un permiso nobo, no obstante un “hindervergunning” cu ta basa riba e vergunning cu a wordo duna anteriormente dia 5 di juni 2015.
Contra e sentencia di 25 di mei 2015 di corte di Prome Instancia, pa cual e residentenan a wordo declara no admisible, e residentenan a bay caba den beroep antes.
Pasobra e consideracion di e prome hues cu ta sigui no ta cuadra:
E huez den prome instante ta delibera cu e Windpark no por usa (mas) ni desea di hasi uso mas di e hindervergunning cu a wordo duna. Pa e motibo ey huez ta pensa erroneamente cu cu e permiso anterior (nr 1 y 2) no lo conduci na e establecimento di un parke di mulina di biento y dus mucho menos lo tin consecuencianan factual (negativo) pa esnan cu ta biba rond. Pa e motibo ey e residentenan a wordo declara no –admisible.
Den e aviso den corant, Amigoe di 25 di juni 2015 a duna di conoce e peticion pa e cambio di e permiso cu ta existi conforme na e Hinderverordening pa e establecimento di un parke di mulina di biento di 8 turbina di biento di 3.3 MW poni na Urirama (…) E cambio ta inlui e hisamento di capacidad di 3 Megawatt pa 3.3 megawatt no ta trata e peticion como uno nobo, sin embargo ta laga e peticion aki sigui construi riba e hindervergunningnan cu a wordo otorga ya caba. Ta wordo papia di un ahuste di un permiso cu ta existi!
A lesa den Noticia Cla cu Hutting ta duna di conoce cu e ta spera cu comision di LAR lo tuma mesun decision. Pero e residentenan ainda tin e speransa cu huez den apelacion si lo trata e caso pa su contenido e biaha aki, mirando cu gobierno ta laga e permiso nobo wordo basa riba esun di 25 di juni 2014.
Di tur manera y pa seguridad e residentanan tambe lo entrega un bezwaarschrift apart contra e di tercer beschikking di 19 di oktober 2015.
