Ora streanan comporta straño, astronomonan ta ripara. Den e caso di un strea conoci como HD74423, tabata astronomonan amateur ken prome a nota e anormalidad den data captura pa e satelite recien di NASA, TESS. Locual nan no a realisa ta cu nan tabata mirando un tipo henteramente desconoci di strea – e prome di su especie.
E strea aki, ubica como 1,500 aña luz leu di Tera, a ser poni den atencion di comunidad astronomico – pero astronomonan no a compronde tampoco.
Simon Murphy, co-autor di estudio y investigado postdoctoral di Instituto pa Astronomia di Universidad di Sydney, a bisa cu locual a hala su atencion ta cu kimicamente ta un strea peculiar. “Stranan asina ta usualmente rico den metal, pero esaki ta pober den metal, pa locual e ta un tipo raro di strea cayente.”
E strea ta alrededor di 1.7 biaha e masa di nos Solo. Y nan a mir’e pulsando – pero solamente un banda di e strea, un latido di curason ta blink na nos for di un distancia largo.
Ta conoce cu streanan por tin un pulso, y hasta nos propio solo ta exhibi e sorto di actividad aki pa motibo di gas cayente bou di e superficie, causando oscilacion. Pero tur strea ta similar cu por mira e pulso riba tur banda di e strea.
Esey ta, te awo. E strea nobo ta parce di tin pulso solamente den un hemisferio di su superficie.
Don Kurtz, co-autor di e estudio, a bisa cu teoreticamente desde añanan 1980 tabata sa cu streanan asina mester existi. “Mi tabata busca un strea asina pa casi 40 aña y awo finalmente nos a haya un.”
A publica e estudio dialuna den journal Nature Astronomy.
E investigadonan a bisa cu awo cu nan sa cu e sorto di strea aki ta existi, nan ta spera di ‘haya hopi mas scondi den datonan di TESS.”
