Gabinete Hulandes a conseha comunidad pa stop di duna otro man como un medida nobo pa preveni e plamamento di coronavirus. Ademas e personanan cu ta biba provincia di Noord-Brabant na unda mayoria di infeccionnan ta, urgi pa keda traha di cas ora sea posible.
E medidanan nobo a wordo anuncia pa prome minister Mark Rutte despues di combersacionnan di crisis cu e ministerionan, funcionarionan di salud y representantenan di servicio di emergencia dialuna anochi. E number di pashentnan na Hulanda a yega 321 dialuna, di cual 90 no tin un fuente obvio di infeccion. Noord-Brabant tin mayoria di caso cu ta 134.
Contrario solamente tin 4 caso te cu awo na Amsterdam. “Igualmente siman pasa ainda nos tabata den e fase di contencion”, Rutte a bisa e periodistanan despues di e reunion. “ Nos obhetivo ta permanece na e fase aki mas tempo posible”. Stop di duna otro man , el a bisa ta un medida pa preveni e plamamento di e enfermedad. “ Esaki ta un medida simple y sensible, pero nos ta kere cu esaki lo ta effectivo na e momentonan aki”, Rutte a bisa.
Personanan na Brabant mester continua keda cas si nan tin cualkier sintoma pero ademas awo nan ta ser pidi pa traha desde cas di ta posible te cu dia 16 di maart. Ademas a pidi e empleadonan wak e dia di trabou pa menos hende ta hunto na mes momento.
Rutte su causanan a hisa wenkbrauw na final di e conferencia di prensa ora cu el a cana bay di e microfon y a duna man cu e hefe di RIVM. “ Oops srry e ta djis un habito”, Rutte a bisa.
