SpaceX exitosamente a lansa otro pakete di suministro pa NASA diabierna nochi y a logra exitosamente completa su di 50 aterisahe di raket.
E raket Falcon a despega cu 4,300 libra di ekipo y experimento pa Stacion Espacial Internacional (ISS). Algun minuut despues, e booster gasta di prome etapa a haci un aterisahe dramatico na Cape Canaveral, su retorno compaña pa boom sonico.
“Y e Falcon a aterisa pa di 50 biaha den historia di SpaceX!”, segun ingeniero di SpaceX, Jessica Anderson a anuncia cu aplauso.
Mientras tanto, e capsula Dragon a bula den direccion di un encuentro awe cu ISS.
Esaki ta e di 20 entrega di SpaceX pa ISS, cu a lansa casi 100mil libra di producto na e stacion orbitante y a trece casi e mesun cantidad bek na Tera desde cu a cuminsa cu lansamentonan na 2012. Northrop Grumman ta e otro transportista di NASA.
Fundado y CEO di SpaceX, Elon Musk a bisa cu tabata e condicionnan cu mas biento – 40 kph te 48kph – pa aterisahe di un booster na Cape Canaveral.
Entre e experimentonan cientifico na caminda: un analisis di cusinchi di un sapato pa core sin gravedad di Adidas, un estudio di gota di awa di Delta Faucet Co. buscando miho conservacion di awa den baño, modelo 3D di tehido di curason y intestino, y 320 pida di druif pa biña di Space Cargo Unlimited, e mesun startup di Luxembourg cu a manda 12 boter di biña cora na ISS november ultimo pa embehece na mayor altitud.
E Dragon tambe tabata hiba algun treat pa dos Mericano y un Ruso den ISS: grapefruit, apelsina, appel, tomati, Skittles, Hot Tamales y Reese’s Pieces. Oficialnan a nota cu no tabata necesario pa tuma precaucion extra relaciona cu coronavirus, ya cu e proceduranan existente pa preveni pasa cualkier malesa of virus na ISS ya a demostra di ta eficiente den pasado.
Esaki ta e ultimo capsula di cargo Dragon original di SpaceX. Bayendo dilanti, e compania lo lansa suministro den Dragon di segundo generacion, cu mas espacio y version mas elabora pa bay cu tripulacion.
E compania tin meta pa lansa astronautanan di NASA e spring aki. Tambe ta trahando cu otro companianan pa transporta turistanan y investigadonan priva na ISS, como tambe orbita solo den e proximo par di aña.
