Dos atacante suicida cu bom a detona nan mes cerca di embahada Mericano na Tunisia, matando un oficial di polis y heridando cuatro otro diabierna, segun Ministerio di Interior di e nacion nort Africano.
Centenares di agente di polis a descende na e embahada pafo di Tunis, e capital di Tunisia, despues di e bom. Tirado specialista por a ser mira riba dak di edificionan cercano, y a cera cayanan principal.
Un vocero di Ministerio di Interior a insisti cu e atacantenan morto a enfoca riba agentenan den patruya y no e embahada Mericano. Un multitud rabia a ataca e edificio na 2012.
Una bandera paden di e mision diplomatico tabata bula riba e sitio di e atake pafo di e compleho di e embahada. Polis a cera e area, cu tabata yen di restonan kima, mientras team forensico tabata pasa den e restonan di e explosion.
Esunnan mas seriamente lesiona di e cinco agentenan di polis a fayece durante cirugia, segun vocero di Ministerio di Interior, Khaled Lahyouni. Un civil tambe tabata levemente herida, segun e ministerio.
Legislado Yosri Dali, cabesante di e forsanan arma y comision di siguridad, a confirma reportenan di testigo cu e atacantenan tabata riba un motorcycle. Dali a bisa den un entrevista cu Radio Mosaique cu nan a detona nan mes na momento cu un patruya di polis a stop nan pa puntra unda nan tabata bayendo.
Ningun persona a asumi responsabilidad inmediato pa e atake.
Decenas di persona a fayece den varios atake na man di extremistanan Islamico na Tunisia, notablemente na 2015, na momento cu e famoso Museo Bardo pafo di e capital y un hotel di luho riba beach a bira victima di atake.
