Gobierno a entrega e siman aki presupuesto 2020 na Parlamento. Den e proximo dia y simannan hopi atencion lo bay na esaki. Pa nos por tin un bista cla na tur momento, den e articulo aki e cifranan mas general
Presupuesto Pais Aruba 2020 y Presupuesto y Realisacion 2019
Entrada 2019 y 2020
| Recurso | Pres. 2020 | Pres. 2019 | Real. 2019 |
| Impuesto Directo | 567.170.000 | 588.400.000 | 580.960.953 |
| Impuesto Indirecto | 643.801.700 | 613.886.700 | 594.234.630 |
| Retribucion, leges, etc | 34.116.500 | 27.105.500 | 24.179.832 |
| Derecho, multa y demas | 51.748.900 | 35.521.400 | 800.402 |
| Interes | 425.000 | 296.000 | 800.402 |
| Entrada No-impuesto | 136.294.300 | 100.126.600 | 99.514.422 |
| Empresa publ. & Fondonan | 5.831.600 | 5.728.700 | 4.746.700 |
| Demas entrada | 73.116.200 | 64.352.100 | 63.686.860 |
| Total | 1,512.504.200 | 1.425.417.000 | 1.418.699.078 |
Fuente: Presupuesto 2020 y Kwartaalrapportage 4-2019
Gasto 2019 y 2020
| Gasto | Pres. 2020 | Pres. 2019 | Real. 2019 |
| Personal | 472.826.800 | 379.356.100 | 377.323.560 |
| Aportacion empleador | (inclui den Personal) | 98.742.700 | 97.765.939 |
| Bienes & Servicio | 202.989.800 | 184.717.700 | 165.500.837 |
| Interes (Local y Ext.) | 221.364.00 | 232.309.000 | 229.392.922 |
| Subsidio | 215.961.300 | 214.257.600 | 214.262.393 |
| Transferencia local | 153.506.600 | 135.122.000 | 130.794.658 |
| Transferencia exterior | 19.727.000 | 18.539.743 | |
| Aportacion y Amort. | 201.284.500 | 175.954.100 | 173.793.864 |
| Total | 1.467.933.000 | 1.440.186.200 | 1.407.373.864 |
Fuente: Presupuesto 2020 y Kwartaalrapportage 4-2019
En general por constata cu den mayoria di categoria, tanto entrada como gasto, ta mira aumento, compara cu e aña anterior. Presupuesto 2020 tin proyecta un entrada cu ta Afl. 94 miyon mas halto cu loke a gasta na 2019 realmente, segun Kwartaalrapportage 4, 2019. Entrada extra ta bin principalmente di impuesto indirecto: Afl. 49,6 miyon, di entre otro BBO/BAZV/BAVP na momento di importacion. Entrada cu no ta impuesto ta aporta Afl. 36,7 miyon cu pa parti grandi ta bin di aumento di dividendo cu ta cobra di e entidadnan publico liga na gobernacion. Por constata tambe cu entrada di impuesto directo ta baha cu Afl. 13,8 miyon, cu ta atribuible na e cambionan den e.o inkomstenbelasting.
Di otro banda, gasto na 2020 lo ta alrededor di Afl. 60 miyon mas cu na 2019. Esaki pa un parti ta bin di e aumento fuerte di Bienes & Servicio: Afl. 37,4 miyon, compara cu e gasto real di 2019. Na 2019 e gastonan di Bienes & Servicio tabata considerablemente mas abao cu e añanan anterior, y un presupuesto mas halto awor por refleha un ‘inhaalmanoeuvre’ den gasto inevitable a largo plazo. Di otro banda, lo paga menos interes riba debe pendiente. Subsidio lo mantene mesun nivel (e.o. subsidio na sector social). Den categoria di Aportacion y Amortizacion tin un aumento di Afl. 27,5 miyon cu parcialmente ta bin di e reservacion di un aportacion na gasto di AZV.
Den gasto di personal por señala un divergencia entre gobierno y Raad van Advies pa loke ta e gastonan di personal. Gobierno ta suma aki Afl. 472,8 miyon pa 2020. Sin embargo RvA ta enfatisa cu e suma aki no ta inclui e Afl. 3,7 miyon di e Plan di Crisis Social ,cu segun acuerdo mester bay den gasto di personal regular di gobierno, sumando Afl. 476,5 miyon, loke ta mita miyon florin riba e norma acorda.
Prestamo na 2020
Pa 2020 gobierno lo fia un suma maximo di Afl. 315,1 miyon, mientras e total di loke mester renoba na prestamo ta calcula na Afl. 361,4 miyon. E surplus di Afl. 46,3 miyon riba presupuesto ta destina na paga debe envez di renoba 100% di e suma cu ta vence durante e aña aki di diferente prestamo local y den exterior.
