Durante e manifestacion di un grupo di taxista e dia di ayera, na unda nan a expresa na mal contento cu e maneho di ministerio di Transporte, tambe nan a pidi colaboracion y pa sinta na mesa cu minister di Turismo y Deporte, Dangui Oduber pa loke ta trata e parti hotelero y aeropuerto, cu ta bou cartera di Oduber.
Pa cu esaki, Oduber a declara cu tin di haci cu cuatro ministerio, cu ta Turismo, Finanzas, Transporte y Husticia, y cu esakinan lo tuma na cuenta e sugerencia cu e grupo aki ta pidi pa haya un reunion. E problema ta cu di 450 taxista, cada un riba su mes tin un preocupacion, un pensamento y ta importante pa Gobierno pa por haya opinion di e gran mayoria di taxista.
Asina mes, el a informa cu e sa cu ta existi problema na hotelnan cu a wordo expresa den un reunion cu nan a tene cu otro grupo di taxista. Tambe tin problema di prijs y pronto nan lo trece un solucion pa esey; tambe pa motibo cu nan ta vocero di e pais Aruba.
