Corte Militar na Arnhem a condena un ex miembro di Marina Real di Hulanda di 23 aña di edad na 4 aña di prizon pa contrabanda di cocaina riba barco di transporte di Marrina HMS Johan de Witt.
E sospechoso cu a wordo desplega sin honor debi cu e defensa tin un polisa di zero tolerancia pa droga a wordo aresta na Corsou 24 di september 2019 cu 11 kilo di cocaina den su tas. E barco a wordo rista inmediatamente, pero no a haya nada.
E barco enorme a wordo rista pa aduana Hulandes y Royal Marechaussee na su yegada na Den Helder un luna despues. Durante di e buskeda aki nan a haya otro 11 kilo di cocaina colgando den un tas di compra entre e muraya di baño y e muraya di e barco. Un buskeda di e scala aki casi nunca ta sosode.
E ex militar a admiti despues cu el a sconde e droga abordo. Nan a haya saconan identico colga den e barco, cu e sospechoso tambe tabata tin planea pa yena, prome cu e la wordo gara cu e cocaina den su tas.
Marechaussee a ricibi 5 tips tocante e plannan di contrabanda di e homber, despues di locual nan a instala un camara den e centro di e gang. Esaki a resulta den su detencion cu ta proveni di Haarlem. E homber tambe a pidi inicialmente un colega riba e barco pa tambe trece cocaina abordo pa un pago di 6000 euro.
E fiscal a comenta durante di e maneho di e caso cu e corte militar cu na mita di februari cu e 22 kilo tabatin un balor di caya di aproximadamente un miyon euro. E fiscal a exigi cinco aña di prizon pa e ex militar.
