Recientemente un guardia di siguridad kende a perde su trabou, a laga liber su rehen y a sali di un centro comercial na e capital di Filipina, dunando un fin na e crisis di rehen di un dia den e districto comercial afluente cerca di sede militar y policial.

Un ex-guardia di compleho comercial, identifica pa polis como Archie Paray, a bandona e V-mall den suburbio di San Juan, area metropolitano di Manila, cu su rehennan, ken a keda sigur cu polis.

A permiti e sospechoso pa papia dilanti reportero y autoridadnan pa varios minuut pa describi su kehonan contra su superiornan, kende el a acusa di corupcion y abuso, prome cu polis a acerca y deten’e.

“Mi ta agradecido cu tur cos a caba pacificamente”, segun alcalde di ciudad di San Juan, Francis Zamora, kende a negocia cu e secuestrador pa entrega su arma y a garantisa su siguridad prome cu e crisis caba.

Entre 60 pa 70 persona tabata rehen di Paray, el a bisa.

Zamora a bisa cu sospechoso tabata tin un arma y posibel granada. El a tira un persona na V-mall prome cu a core bay na e di dos piso y tuma rehen na un oficina di administracion. E victima ta den condicion ta stabiel na un hospital cercano.

Zamora a bisa cu e sospechoso tabata un guardia di siguridad ken a sinti su mes malo pa motibo di perde su trabou. El a agrega cu e homber a purba pero no a convence su colega su coleganan di security pa join e.

Aparentemente el a perde trabou despues di abandono di trabou den simannan recien sin notifica gerencia. E sospechoso a usa su celular pa laga un mensahe pa guardia y medio di comunicacion. El a expresa su rabia pa cambio di ora di trabou y a acusa su superior di corupcion, bisando: “Mi ta pidi pordon y pa e motibo aki mi ta renuncia na mi trabou pa e crisis aki yega su fin”, segun Oscar Hernandez, kende ta un oficial di siguridad.

Anteriormente den e dia, mas di un decena di comando SWAT a drenta e mall, cu rifle cla. Otro agente di polis a keda cerca, wardando cu ambulance.

E compleho comercial, popular pa su restaurant, tienda, bar y un bazar, ta cerca di un luga residencial di luho, un club di golf cu sede militar y policial na metropoli di Manila di mas di 12 miyon persona, unda cu ley y orden pa largo ‘ta un preocupacion’.