Sarah-Quita Offringa 3 biaha campeon den slalom

E aña aki Sarah-Quita Offringa a competi un biaha mas den e Hvide Sande PWA World Cup. E biaha aki e competencia a tuma luga na Dinamarca, unda cu e hoben atleta Arubano a logra su di 3 titulo mundial di slalom (windsurf) di cual esaki ta su di 12 en general.

E ultimo dia di e competencia 2016 Hvide Sande PWA World Cup tabata tin un final intenso. Mainta e biento no tabata fuerte, pero asina cu e biento a lanta un tiki Sarah-Quita a probecha di esaki. El a gana su di 3 titulo mundial di slalom, di cual esaki ta su di dos titulo mundial pe temporada aki.

“Mi ta sumamente contento. Mi tabata emociona ora cu e evento oficialmente a wordo para pasobra tabata un dia yen di stress pa motibo di e tempo. Ta hopi bon di mira hopi hende muhe ta competi na un nivel asina halto y ta spera cu esaki ta un señal bon pa futuro. Danki na tur mi sponsornan y hopi amor pa mi famia y amigonan pa nan sosten.”