SpaceX tin como meta pa lansa te cuatro turista den orbita super halto, posiblemente pa fin di otro aña.
E compania priva ta trahando cu Space Adventures Inc. pa e vuelo, oficialnan a anuncia ayera. Prijs di ticket ainda no ta revela pero ta calcula cu lo costa miyones di dollar.
Space Adventures ya a yuda pone turista den orbita cu trip na Stacion Espacial Internacional (ISS), trahando cu programa espacial Ruso.
Pa e trip aki, clientenan cu paga lo no bay ISS sino orbita dos of tres biaha mas halto, entre 800-1200km riba Tera.
Ta un gol ambicioso cu lo acerca na e haltura record di 1,370km di orbita logra pa Pete Conrad y Dick Gordon di Gemini 11 na 1966.
E vuelo turista lo ‘habri un caminda pa haci vuelo espacial posibel pa tur hende cu tin e soño aki”, presidente di SpaceX, Gwynne Shotwell a bisa den un declaracion.
SpaceX lo usa e mesun tipo di capsula Dragon cu lo lansa astronautanan di NASA na ISS, posiblemente aki algun luna. E capsula a bula unicamente un biaha den espacio te awo, debutando aña pasa den un vuelo di test sin tripulacion.
Vocero di Space Adventures, Stacey Tearne a bisa cu e vuelo turista por tuma luga den ultimo kwartaal di 2021. E compania ta den discusion cu ‘varios cliente potencial’.
No lo rekeri ningun piloto ni astronauta, Tearne a bisa, pasobra e Dragon ta completamente autonomo. Pero pasaheronan lo por controla e astronave si ta rekeri.
Basa na Vienna, Virginia, Space Adventures a prepara ocho mision espacial, cu un turista bayendo dos biaha. E meta di Space Adventures ta pa crea ‘oportunidadnan unico y anteriormente imposibel pa ciudadanonan priva experimenta espacio’, segun presidente di e compania, Eric Anderson, a bisa den un declaracion.
The company has arranged eight space missions, with one tourist going twice.
NASA a suavisa su posicion pa cu turismo espacial, y ta habriendo porta di e stacion na clientenan unabes cu establece vuelonan comercial cu tripulacion di SpaceX y Boeing.
