E parlamento Hulandes a vota diamars ultimo na fabor di e tratado comercial di EU cu Canada. E cuater partidonan di coalicion ta apoya e tratado di Ceta despues cu ChristenUnie a bay deacuerdo pa cumpli cu e garantianan di e gabinete tocante e siguridad di alimentacion.
Mayoria di e partidonan di oposicion tanto izquiera como di derecho ta opone e tratado, pero e apoyo di e ChristenUnie tabata suficiente pa a gana e apoyo di Tweede Kamer. Un parlamentario independiente tambe a vota na fabor di esaki. Den e senado sinembargo e coalicion gubernamental solamente por conta cu 32 asiento y nan mester di 38 pa e mayoria. E oposicion di e tratado ta centra den e probabel impacto den e agricultornan chikito Hulandes, e problemanan di alimentacion y e decision di inclui un panel di arbitrahe pa trata e disputanan comercial.
