Segun e ex presidente di Banco Central di Curaçao y St. Maarten (CBCS) Emsley Tromp, tabatin un cumprado adecua pa Girobank memey di 2016, kende tabata prepara pa capitalisa adecuadamente e banco y asina protege e saldonan u depositonan di clientenan.
CBCS, cu ta responsable pa e administracion di e banco debi na e regulacion di emergencia impone traves di corte, a interveni na fin di 2013. Tromp no por a splica demasiado tocante esaki pa motibo cu ainda e ta obliga di pa confidencialidad, pero ta afirma cu nunca nan mester a yega na e punto na unda cu clientenan na december ultimo tabata tin nan activonan ariba di 10.000 florin gevries.
Despues di dos aña y mey di regulacion di emergencia y despues cu a revisa e 14 posible candidatonan, CBCS tabata tin un cumprado adecuado na 2016, Tromp a bisa. Segun su persona Corte ya a apunta un ‘intended bankruptcy trustee’ y Girobank lo a bira e di dos ehempel di e asina yama “Pre-pack” manera a sosode cu Curaçao Dock Company CDM.
E pregunta e tempo ey : “Si tabata tin un solucion na juli 2016. Kico a bay robes? Con por converti un solucion den e casi collapse di e mesun institucion na 2019?”.
Tromp a ripiti cu e ta obliga pa confencialidad. “ Pero e acuerdo aki ta bon documenta den e archivonan di CBCS y e intencion di esaki tabata pa hacie publico na augustus 2016”.
Kico a sosode despues tabata den e esfera di influencia di su sucesornan (Jerrald Hasselmeyer, Alberto Romero, Leila Matroos-Lasten, Bob Traa y actualmente José Jardim kende ta presidente interino).
Tromp solamente por agrega cu CBCS a presenta un keho na 2015 contra e ex director di Girobank Eric Garcia, apoya pa un investigacion forensico extensivo. “ E rason pakico Ministerio Publico no a tuma accion ainda ta un misterio te cu awe”.
