E dañonan di casnan y autonan causa pa e tormenta Ciara durante fin di siman por yega na un suma di 150 miyon euro, esaki ta locual a ser estima pa aseguradonan diamars ultimo.
Mas rapport tocante e dañonan lo drenta den e proximo dianan, e asociacion di asegurado Verbond van Verzekeraars a bisa, mientras cu e condicionnan di tormenta ta continua cu tambe lo influencia e cuenta final. E aseguradonan tabata preparando pa asina ricibi informe di dañonan di tur parti di e pais y esaki ta locual a sosode, e director di e asociacion Richard Weurding a bisa.
“ Pero Ciara a haci menos daño cu e tormenta cu a tuma luga na januari 2018, cu a costa 450 miyon euro. E tormenta aki tabata menos feroz y danki na e advertencianan di e servicionan gubernamental y e aseguradonan, ciudadanonan por a prepara”, Weurding a bisa. Propietarionan Hulandes generalmente ta suficientemente asegura pa e dañonan causa pa e tormentanan, e asociacion a bisa, aunke e conductornan cu un seguro minimo di WA, alrededor di un tercer di tur e propietarionan di auto, lo mester paga e factura nan mes. Hulanda lo ser afecta pa un segundo tormenta durante e fin di siman venidero cu ta Dennis.
