Guardia Revolucionario di Iran a desvela un misil balistico nobo, segun television estatal di e pais a reporta ayera, entre tension aumenta cu Merca.
Iran rutinariamente ta revela loke ta describi como avancenan tecnologico pa su forsanan arma prome cu e aniversario e luna aki di su Revolucion Islamico na 1979.
Television estatal a bisa cu e misil, yama Raad-500 of strena, tabatin mita di e peso di un misil balistico similar, Fateh-119, pero por alcansa 200km mas di distancia. E di cuatro generacion di Fateh-110 tin rango di 300km.
E Guardia tambe a revela un motor di misil nobo cu ta usa combustibel solido y un portador di satelite cu tin ‘tecnologia di nanishi cu ta move’. E tecnologia ta aumenta precision di misil pa dal su obhetivonan.
Merca ta acusa cu actividadnan asina ta desafia un resolucion di Conseho di Seguridad di ONU cu ta exigi Iran pa no tuma ningun actividad relaciona na misil balistico capaz di transporta arma nuclear.
Iran a lansa un cantidad di misil balistico na un base militar na Irak cu tabata sede di tropanan Mericano luna pasa, despues cu un atake cu drone Mericano a asesina su general top, Qassem Soleimani, pafo di Baghdad.
Potret di Al Jazeera.
