This undated image provided by Nuro in February 2020 shows their self-driving vehicle "R2" carrying bags of groceries. On Thursday, Feb. 6, 2020, the U.S. National Highway Traffic Safety Administration granted temporary approval for Silicon Valley robotics company Nuro to the a low-speed autonomous delivery vehicle, without side and rear-view mirrors and other safety provisions required of vehicles driven by humans. (Nuro via AP)

Pa prome biaha, agencia di siguridad riba caminda di gobierno Mericano a aproba e peticion di un compania pa lansa un vehiculo cu ta core riba su mes cu no ta cumpli cu e standard di siguridad federal cu ta aplica na autonan y truck conduci pa humano.

National Highway Traffic Safety Administration (NHTSA) a duna aprobacion temporal pa e compania di robotica di Silicon Valley, Nuro, core vehiculo autonomo di baho velocidad cu tabata diseña pa no transporta hende.

No lo rekeri vehiculonan di Nuro pa tin spiel na banda of patras, ni otro provisionnan di siguridad. Tampoco lo mester tin wiper di windshield, timon, of pedal pa brake.

Anteriormente a somete e vehiculonan na standard federal pa vehiculonan di baho velocidad cu ta core bou 25 miya pa ora. Eseynan no tabatin mester di timon ni pedal di brake, y no mester tin chauffeur humano di reemplaso. E vehiculonan di bateria di Nuro por ser monitor y controla remotamente pa un operador humano, si mester.

E aprobacion ta e prome señal cu NHTSA ta alehando di declaracionnan abstracto y standard boluntario gobernando vehiculonan autonomo pa regulacion actual, segun Bryant Walker Smith, un profesor di ley di Universidad di South Carolina cu ta studia automatisacion di vehiculo. Ta un señal cu e agencia, cu publicamente a declara cu no kier stroba tecnolocia nobo, probablemente lo aproba mas vehiculo, el a bisa.

Bou e aprobacion temporario, Nuro mester haci reportenan di siguridad real-time na e agencia. Nuro tambe lo mester tene reunionnan regular cu e agencia y acerca comunidad den areanan unda e vehiculonan lo core.

E agencia lo uza poder di cumplimento si haya cualkier evidencia di riesgo no rasonabel na siguridad, segun un declaracion.

Na december, Nuro a anuncia plan pa uza su vehiculonan automo den asociacion cu Walmart pa entrega cuminda na clientenan na Houston. Tambe tabata test entrega cu Kroger na Arizona y Houston. E compania a bisa cu lo lansa menos di 100 vehiculo e aña aki, pero tin permiso di NHTSA pa eventualmente lansa te cu 2,500.

E vehiculonan, ekipa cu laser, camara y sensor radar, lo biaha cu trafico regular riba caminda publico.